成身鬆晒…

星期日…
'我叫你帶這拖鞋回家，為什麼不肯？你是不是不俾面我？老闆叫你你又會做？你當我無到？ 係唔係？etc...'

星期一…
'咁都唔識？我要乜你唔知架咩？呢d都唔係我要既野…'

星期二…
'唔好以為有人幫你跟野你就可以唔駛做，你忙完呢度快d去跟返果d野！’

Well... 我不是狗… 最後每次你鬧完，再來笑笑口也是無用…

你送我coupon？不好意思，lunch buffet，做呢份工點去？
你幫我做咁d？你做完咪又鬧話我唔做野？
你叫我放日假？你真係覺得我放完假第二日唔駛用雙倍時間來跟返d野？

以上都是假仁假義… 忍左你一年，算係咁啦… -.-||

當住你面話：我。唔。做。。

講完，成個心情輕鬆晒~ 係呀，我玩夠啦… 見GUESS果邊又無乜錢賺，再做也沒意思…做義工？！有病架？？

依家，如果Cody有心做，我交低d野我就走；如果你覺得我講笑，唔夠膽走，我就聽日寫信你看

希望第時有個好員工接替我…

今日是特別的日子，so far看不到Cody做錯野，萬歲~ 要加油啊！！ (希望聽日返去唔好又話我知寄錯野…)

*-*-*-*-*-*-*-*-*-*-*

今日，下午五點Steven找我晚飯… Dinner @ Outback with Steven, Jeff + Chris… 四個人叫了杯大啤，再傾計吃東西… 感覺還不錯~ -w-

前路… 行到再算~ 非金融業的，始終也是要北上找機會吧？ 希望會找到份有機會見識祖國的好工，順道迫我練普通話…

就十一月，忽然發覺早幾個月做野太忙，成個人心境老晒… 依家，先似返個23歲的後生仔…

對，我只有二十三歲！！個樣一d都唔似… 人人話我廿七…………

Powered by ScribeFire.

點解女生用電腦…成日壞既？ -.-||

剛剛收到壞消息…
繼上星期婷婷部電腦玩完之後，Cherry果部電腦又壞埋…
well....點解d電腦成日整完又壞？？ -.-||

*-*-*-*-*-*-*-*-*

上星期上完大陸後，無左半條命…
今個星期六、日，訓左兩日…
有點感冒呢…訓極都唔夠，身體還是好累…

聽日，地獄…
天呀，成堆野未做，damn....

d野都唔知由邊度做起好…

Powered by ScribeFire.

客來了… 惡夢……

今天晚上，原定會去山頂和客人飯局… 但最後客人發難說取消了……

我。好。無。辜。。。

話說一隻用了一年多的布被客人reject了…太奇怪了！！發生什麼事了？ 合同和報價表用開的人棉彈布料一向都是170gm布重，怎麼客人現在要200gm了？！最後，客人都說今季的布全薄了… 要縮厚一些… 天呀… 怎麼趕得及十一月中的貨期… 別要玩我了………布重不同，價錢也不同呢！！！

今天早上講男裝，下午講女裝… 由早上九點半non stop到晚上九點… 地獄…… 一心想為客人趕好美國批辦，最後，客人看後沒有多謝，還不批這個、不批那個… 即是說，造大貨時才造辦給你批就好了 (大貨前交上完全正確的批辦跟本就不是細公司財力能做的事！！)…… 或者，我們要改變一下造貨流程？？ 明天，要好好想想怎麼解決…

明天早上，將會回順德及過一晚夜… 有客人上去看廠了，要做人肉翻譯機… 但星期六因為考試而要請假… 星期日/一會是地獄… 誰救我…… TwT


*-*-*-*-*-*-*-*-*

曲奇離開了一星期…心情平復多了… 但昨晚還在看曲架的資料…看來看去…還是曲奇小姐的毛色最靚~ -o- 原來她是white + Red，不是White + brown呢… 現在才去了解你，會不會遲了點？ :P

尋晚，和Cherry去了觀塘的外野手… 滿足~ 壽司細細件，很有心思，不會想整飽人+送客… 一口氣試了所有特別的壽司，好滿足啊~~~

現在…我想好好休息下…可惜… 一直到下年新年，都會個個星期走貨… 天呀……… 我唔玩啦！！！ -w-

Powered by ScribeFire.

幾日後…

心情平復多了…已接受曲奇離去的事實…

現在的感覺是：小曲去了旅行，不知何時會回來，但有一日她是會回來的，或者用另一種形態的存在再出現…

很玄吧？我也覺…很怪的想法… =w=

*-*-*-*-*-*-*-*-*-*


公司忙到嘔泡… 下星期客來，日日OT… 今日重陽也有回公司啊… 星期日… 應也走唔甩… 天呀！！！ TwT

講下今個星期… 星期三，帶住呆滯的心情去半島dinner… 老闆請… 怎麼這公司經常有飯局？ -o- 就係咁…吃了一餐只值70分的半自助餐 (香格里拉的較好吃啊)… 吃完前菜，等左九個字，上菜了…望住主菜塊牛排…

1.不好吃
2.我想起隻臭曲奇…因每次不愛吃的肉類也由她一口包辦…
3.那一刻，我以後也不想再吃牛排 -o-

算…吃完呢餐，有排忙…

Powered by ScribeFire.

曲奇，祝你在天國生活愉快

今天，曲奇離我們而去了… 病情急轉直下 (其實我知道的，前天是迴光反照…) ，一早就不斷出血… 下午，我也不知道發生了什麼事… 晚上知道消息，是曲奇飛上天國了… 大BB，以後要在天國和你的朋友仔活得開心點啊！不要再亂咬同類啦，知嗎？？

這是一隻金髮美女… 美國曲架，Cocker Spaniel，名字叫： Cookie、曲奇、小曲、曲曲、八婆仔 etc

**1998 - 2007**

1998年 - 一隻外型趣緻的狗BB出世…聽聞她媽媽是冠軍狗，但怎麼這隻小魔怪會到了布甸家的？其中一個原因，是這隻狗BB一隻眼有斜視，未能選美…另一個原因… 就。是。緣。分。。。

1999年 - 數個月大的曲曲正式進入布甸家…整個買進曲奇的過程是一個謎~ 據聞當時媽媽看到曲奇和另一隻史納莎，最後，媽媽買入這隻曲奇，恭喜，這隻傻狗會為你家帶入不少歡笑 : )
那時住在黃大仙，圖為訓練小曲去廁所之過程…最後當然十分成功~

2000年 - 2003年 - 我和lolo也在英國升學中，miss了不少看住曲曲成長的時間，但，每次放假回來，曲曲總是能成功認出我們… 那時間，曲曲還會跳上床睡我腳底呢！！這時候，曲曲還有獵犬的天性，愛玩愛搶食物啊~ 要她停下來？有辦法的…哈哈~~







除了坐唔定，每日媽媽煮野食時，曲曲也會慢慢一步步爬入廚房… 就像玩紅綠燈一樣，媽媽一轉頭，叫‘出返去’曲曲就輸了，要由門口再爬過… 這過程已叫我笑足幾年~ BB狗好搞笑~

<= 用來欄住小曲的圍欄

2004年 - 我回香港讀大學了！這時候，和曲曲更多時間相處… 基本上… 日對夜對~ 這段時間，曲奇日日也粘住我，開心~

2005年 - 年頭搬了家，由黃大仙搬了去調景嶺，因屋子比先前細了很多，曲曲幾個星期也悶悶不樂，最後，由不定時帶她去街改成日日帶她去街~ 調景嶺的後山風景不錯啦~ 曲曲很愛下去，而且，這年她也差點小命不保… 被的士車過也沒事，曲奇真是命大啊！！

<= 吃栗米片，'may I have some more?'


<= 雪條也愛吃啊！

<= 秋涼了，小曲也要著衫啊

<= 小曲伸懶腰

<= 肥美的pet pet~

2006年 - 2007年頭 - 呢兩年Cherry開始上來陪小曲玩，曲曲很愛嗲人啦~ 到了07年年頭，曲奇機件開始老化… 身體開始有毛病，尿道炎，腸病，陸陸續續出來… 無停過… 小曲由06年也開始戒口，已經一年無吃豬骨和魚仔了！！ 狗比人老得快… 這是個殘酷的事實…


<= 某C由web cam cab下的作品


<= 曲奇去街的戰車

<= 某人愛上了帶曲奇去後山玩

<= 曲奇與她的僕人 XD


<= 小曲靚女表情1


<= 小曲靚女表情2 (她一定在奸笑… -.-||)

<= 曲奇有個怪的習慣，愛爬上高的地方


<= 掃毛時的enjoy表情… 好懷念…

2007年年尾 - 成世狗看第二次獸醫 (上次是被車撞)，照到有尿石… well，所以成日有血尿 + 痛… 原以為曲曲會頂得住有排捱… 直到上星期二，忽然子宮出朧又出血… 今日… 上了天國… 我永遠也懷念你！！ 如果我要再養狗狗，我也會選曲架… 曲奇，有綠再見！祝你天國生活快樂~

<= 有綠再見啊，曲奇BB~

<= 以前經常抱她上鏡…

<= 這時的曲奇也很愛被我抱吧？

<= 上星期日，21號拍的最後一張相，當時她仍不斷流血中…

曲奇，再見了…











遇上你，真好。。。。

Powered by ScribeFire.

小曲……要加油啊！！

時限…下星期，小曲，你要快點給我好返… TwT

上星期二，一早…如常起床刷牙洗臉…這朝好奇怪，怎麼曲曲沒來歡迎我？？去桌子下一看…曲曲滿身啡黃色液體，源頭來自陰部…出事了…… 原以為她會在兩天內升天，誰知道…捱到現在… 但日日也有流血… 媽媽出動到小曲輕鬆穿 (紙尿片)來吸血… 好快，兩日就用完一pack尿片了… 唉… 希望生命力頑強的小曲會好返…

到了今早，一訓醒，吃早餐… 著住尿片的曲曲望住我來fing尾… 原以為今天可以陪小曲一整天… 點知… Dad忽然拿袋出來… 咦？！曲曲不是一早已去了街街嗎？！ 布甸dad說…

‘我帶她去看醫生，如果醫生說無得救，就會打釘架啦…’

我聽完，呆了一呆…打針？！打什麼針？在我呆想緊的時間，小曲fing住尾以為又有街去，入袋了… 這時候，dad再問：

‘你有心理準備沒有？’

‘無！！！！！’

我這樣說… 曲曲明明已精神過前幾日 (今日眼精已閃令令，前日一臉倦容… )，為什麼非要打針不可？！這刻，我喊了… (睇‘老友狗狗’時，我喊到變豬頭… ) 最後，和dad說了一輪… 說也見曲奇在好轉中，最後決定… 看多幾天…

我明白，媽身體不好，不能看住曲奇… 最後兩父子也應承：我們會負責照顧她的！也不怕曲奇半夜吵醒我們！

就是這樣… 二比一 (媽持反對票… 她是生命消極者… )… 把曲奇的觀察期廷至幾日後… 知道這決定後，我一個人帶了曲奇下去梳毛… 好耐無見過不想行街的曲奇 (可能因為一大早已下去行了一次？)，曲奇的血也不是不停的流，而是斷斷續續…曲奇，你要加油啊！！！

下午，去了炮台山買火鍋用的食物…買了一大袋，和cherry回家看曲奇…

曲奇見到人還可以fing尾… 怎看也不像要去天國的狗狗吧？ -o-

好可憐… 希望曲曲快點康復！！我需要奇蹟！！！！ TwT

Powered by ScribeFire.

今日… 好累…

前晚鬧完人，今日他請病假… 關唔關我事？唔知… 我只知我鬧得有道理… 一日前的上午叫他準備寄件，第二日晚上七點仲未PACK好… 都算啦…望下佢整成點，又要懶學人用COPY AND PASTE… 最慘果下又唔識用EXCEL… 有CTRL+C唔用，要用MOUSE慢慢一個個CLICK… 無言… 我見到人做野慢就會炆… 希望聽日他回來，會有進步… 今日細想一下，讀過大學，做PROJECT唔會唔用EXCEL掛？唉… 是不是我要求太高？？

*-*-*-*-*-*-*-*-*-*-*-*-*

放工~ 和CHERRY出去晚飯… 慶祝32個月… 時間過得好快，轉眼間就過，神奇~~ >3<

去吉之島吃完晚飯，行左陣…無衫睇中…送完CHERRY回家後，就坐MTR返調景嶺~ 十二點，入家門，夜啊~~~

入了門口，看到小曲奇…太好了，今天她精神多了!! 昨天早上個景像真嚇人… 一早起來已見曲奇成身血水 (尿道出血水…)，恐怖……… 但今天，情況好轉了，真好~~~ 話晒曲奇都十歲啦，身體開始出毛病都唔出奇。呢一、兩年耐不耐曲曲個尿道/陰部就出事… 而今次，又是尿道炎… 希望曲奇早日康復！！ (全家人也擔心她啊，有人愛錫幾好 =w=)

講起時光飛逝，今日見到E-ZONE提醒話YAHOO相簿將於十八號關閉，用戶可下載或轉載至FLICKR。所以，剛剛選擇了下載所有照片到電腦… 太感動啦！！ 幾年前UPLOAD完D相上相簿後，就錯手FORMAT了電腦，無晒ORIGINAL SIZE既相… 依家，有ORIGINAL了~~ 拿回了英國夏天的照片！！睇睇藍天白雪，之後再細看… 那時自己個樣還很幼嫩呢~~ 現在…老多了…… -3-

歲月不留人… 唉……………

Powered by ScribeFire.

加旋就快大結局！！

我一向是加旋的秘密FANS，而加旋呢套漫畫也進入了最後階段… 作者雷句誠的功力真厲害，這漫畫中各個情節，有輕鬆，有緊張，全部拿得好準！！現在故事埋尾，加旋 (控制電力)亦和宿敵布拉格(控制重力)聯手打美少年魔王 (控制‘消失’，可令物質消失…)…



以上為今話出的新咒，除了加旋最強的‘巴奧’外，還多了一個召喚咒呢… 囧… 真是想快些到下星期三，那就可以看最強咒對最強咒的畫面了，期待~~~

註：說完一大堆無人會明既情節及說話… 給大家一個我看加旋漫畫的網：http://gashfans.net/bbs/index.php

Powered by ScribeFire.

一星期的第一天…星期一 =.=

物料開始訂完…開始被人追辦，沒完沒了… 呢排，見到自己個肚腩…好灰…點解會咁架？ TwT 咁搞法身體遲早出事！！香港是收買人命的地方 ，這是不會錯的 -.-+

今日，順順利利…直到晚上… 客收到一條辦，說後袋的車花應用貼布車花，不是車V字線… 這是產前辦，幸好物料未齊，救我一命… 但依家，貨期緊迫… 做到好無癮… (車花線要十九號先有… 但三十號開始有貨走，你玩埋我果份… -.-||) 客不體諒，廠不體諒，誰明我心~ 所以，當一些事太絕望時，已無希望~ 聽天由命lo~~ (聽日一早回去睇下是我錯還是廠錯先…老實說，我不記得公司上的公事，我腦海只充滿幻想和怪念頭~ :P) 全公司除左高層，個個都是這狀態，你說怎辦？ 只好怪政府出手太闊綽~ 人工不見吸引，又無時間進修，學完就好走了~~ :P

*-*-*-*-*-*-*

放工時，中環站撞見FC，哈哈！搞笑，成日放工時撞見人… 和FC傾到灣仔，之後去了Cherry家Dinner~

今個月，仲有個super function！！期待二十號晚的BBQ啊~~

另外，今日還有一件特別事… 事緣約人20號BBQ時，發短訊發錯了給讀Bio的同學仔… 之後傾了幾句，收到了一個呆了一呆的消息… 她下個月結婚？！ so early呀！！Anyway~ 祝她新婚快樂~ ^^

忽然感覺好遙遠 + 奇怪..... 囧

要快d賺多d錢！！！

Powered by ScribeFire.

充實的星期天~

首先，多謝某C批准小甸子放假一日… 感謝皇恩~ (實情是某C努力溫書做功課中，加油啊！！)

充實的一日由十點開始… 起身，上網睇下新聞/消息，Har下，中午，去樓下打波 + 曬下太陽 (正！=w=) 之後，原定去炮台山找cherry，但因為某C批准，在家休息~ 正當休息緊的時候… walter 話想去深水步買電腦，之後，兩人在九龍灣會合，買電腦去~~

四點行到五點，見到高登新翼有AUAS專門店開了！以後買機去果度買齊一套算了~ 本人是AUAS fans~ 唔好問我點解，就是愛這品牌~ =3= 原本在AUAS 店，Walter已選好了套餐及準備付款，但之前選好了的CPU無貨，所以walter最後一個人留下繼續尋找CPU的故事… 而本大爺就坐MTR往Diamond Hill進發~ 五點半約了Kami、諾、呀南一起睇 Resident Evil 3，以下為簡短影評：

1. 整套片幾緊湊，只是有臨尾無啦啦整個Gag位，結局緊張性大減… 前半段更覺緊張和嚇人，流暢度OK~
2. 成套片脫離了Game設定，感覺有點是由 28 days later (d喪屍行快左！！)、Heroes (主角有異能！有隔空移物/控制物質etc.)、Starwars (有鬥Force及有Clones兵團啊！)及亞洲式鬼片 (臨尾成日有黑影閃過，但成個基地只剩下隻大佬…) 組成，結局變成超能力者打喪屍！！
3. 這片是科幻片，所以好多情節不合常理，需要觀眾見諒… 片中設定如下：
a. 片內的prof說喪屍不需進食，吃肉只因為人性本能，不進食的喪屍可活30-40年
b. 片內有一幕是要test 喪屍的智能… 但一開始，但手拷就鎖得不夠緊，基本上喪屍可把研究人員手到拿來…最後… 當然是喪屍吃了兩個工作人員囉~
c. 片中的Virus已可跨物種感染… 咁玩晒啦，連老鼠都咬人，點玩？？ -.-||
4. 這片有為第四集埋伏筆… 唔知票房如何呢？ 今日戲院除了頭四行，坐滿！！
5. 幾集以來，最重要的角色是… Laser房… -w-

官網

睇完片，一出來，大家討論一下… 發覺片又不算爛，ok的~

之後，去了幾間餐廳，都要等好多人… 最後，選了去Dining Room~ 一開始睇meul以為好貴，但吃完又覺ok的餐廳… 七個人，吃了600大洋~ 最後仲有兩個會籍 + 600 Coupon送… 如果不計機會成本，今餐咪免費？！ Anyway~ 吃飯時除了看戲四人組，仲有一鴻、Thomas及Grace~ 七個人由八點吃到十點多… 估唔到會傾咁耐~ 大家還是年輕人，觀點果然一樣！！我要變得更愛賺錢~~ 人生短暫啊~~ :P

近排，一鴻由俄國回來後… 對俄國的商機充滿興趣，大前提是… 要學俄文… 好！一鴻找到course，要通知我一起去上！！ 希望下年真的去得成俄國trip，我要出去見識下呢~~ (某C也要加油！考入大學就可用便宜的方法去見識世界lo~ 去exchange平好多~ )

總結，今日過得很開心，但聽日又要返工了… 唉啊~~ -.-||

地球先生好熱…

前排看新聞，南極‘夏天’有22度… 地球愈來愈熱，地球愈來愈危險… 病菌繁殖加速，海洋水位上升，威力強勁的颶風，動植物數量減少… 下一代，唔知個世界係點架呢？不敢想像…

唔講南極，講香港都已經天氣反常… 今。日。好。熱。。。。

十月，如果十多年前，已經要著冷外套返學… 十一月，校褸出動… 今年，街上有冇人著校褸還是一個 - 謎。

很懷念以前的天氣，更懷念以前休閒的日子… 人大了，就覺得以前所有發生過的事都是美好的 (當然，人腦也會自然地將不愉快的事忘記了，自我防禦機制…) 唉，近排有點覺得神奇… 以前的我是多麼的幸福~ :P

*-*-*-*-*-*-*-*-*

呷完一輪，回到現實…

公司… 那兩個已不算新人的二人組真是不知從那裡練出一手好本領… 他們一身‘har’的本領我佩服得五體投體… 畢竟，這行不是人人也做得來的… 包括我~ :P

要我做不是問題，做完看不到成果才是問題… 點解GUESS d單咁細張？d廠成日話d單唔好做，又乜又物…好。煩。 。 有時直想問他們：君不知世間財不易賺乎？世上無人做蝕本生意，只會有人做難做的生意…

南非單是難做的生意，唯有寄望澳洲d單愈來愈大，要不是，我只是‘白做’，灰~~~ 依家d男裝要由女裝果邊貼錢才夠數… 無計，美元大跌，出口生意難做~ 但地球另一邊，澳元升到巴巴聲… 好多時做衫唔講價，夠晒豪 @w@

有單無單，都係我一個人忙…唉… 當見到新來的兩個同事，我更無癮，更灰……… -.-||

*-*-*-*-*-*-*-*-*

放工後，近排都死下死下… 想病病不出，辛苦… 想轉轉環境，無其他工想做… 有人有好提意嗎？ :P

講講某C，C 開始feel到中七有壓力… 加油啊！除了打氣，外人幫不了你讀書考試，要靠自己啊~

近排天氣怪怪的，心情好陰沉…

世界就是有一套準則？

今日星期二啦~ 今個星期少左一日工作天，感覺快過好多… 還不錯~ -w-

公司d野忙得七七八八，今季就快入直路，下季又就快開跑。做Fashion果然是要和四季比賽呢…… 忙~~~

忙完，休息時… 又想起尋晚一鴻大師講過的話… 經過一鴻尋日的洗腦後，好想去俄羅斯走一轉見識下呢~~~ :P

*-*-*-*-*-*-*-*

呢排，中就快到競選，樓下有兩個年輕人參選…

一個，外型滿分，有後台，深得師奶仔喜愛；
一個，豪無特別，無人撐，轉個頭就唔記得…

這世界還不是不公平呢~ 普通市民未見到/知道那兩個參選人會做/做過些什麼，但，單單是外型，d師奶仔已傾向其中一人投票… well…老實說，有替另一個人覺得不值，但，我手上的票還是會投外型較好的那個… 純粹覺得參政好講image… 一個懂打理image的人，做什麼事撞板的機會也會多些吧？

總之，呢幾日，日日在樓下看見強弱懸殊，心情有點怪… 其實外型好的那人已win硬了，有點佩服那人陪跑的情操，呵~


*-*-*-*-*-*-*-*

近排某C功課忙… 好好學會分配時間吧！我也想好好分配時間… 最好一日俾多甘四個鐘我駛就最好 -3-

Powered by ScribeFire.

十一國慶啊~

兩日假期的最後一日，老實說… 有d唔開心~ -w-

不是討厭返工、放工的生活，只是…今年出面太好境？人人出面股票賺得多過人工，我就忙到睇都無時間… well… 安慰自己，錢唔係你，唔入你袋，哈哈！ 但，我認我愛錢…

今晚，火鍋。有我、一鴻、steven、jeff、chris五個人。七點多吃到十點，共兩個半鐘。成班人吹吹水，食下野，好快又到散band時間…

依家，要快d訓…聽日開始… 死亡十月… 貨期又係好趕，點做？癲癲地…

Powered by ScribeFire.